الرجالة بتحب تجرب.. والأجانب بيطلعوا أخلاقنا وحشة.. أبرز تصريحات ليلى عز العرب

حلت الفنانة ليلى عز العرب اليوم ضيفة على برنامج الستات الذي تقدمه الإعلامية سهير جودة والإعلامية مفيدة شيحة، ويذاع عبر شاشة تلفزيون قناة النهار، وأثناء الحلقة تحدثت ليلى عز العرب عن الكثير من الأمور التي تخص حياتها الشخصية، وفي ذلك التقرير نرصد أبرز تصريحاتها في الحلقة.

أبرز تصريحات ليلى عز العرب اليوم

– الأفلام الأجنبية بتطلع الشخصيات العربية بشكل سلبي وإننا إرهابيين ومعانا فلوس وأخلاقنا مش كويسة وبنروح ملاهي ليلية.

– مكسبتش من الفن قد ما كسبت من البنوك

– نفسي أعمل شخصية نفرتاري لأنها جميلة الجميلات لدرجة سميت نفسي نفرتاري من حبي فيها

– نفسي يكون عندنا أعمال عن حضارتنا ولكن طبعا مقدرش أنافس سوسن بدر في حتشبسوت ولا نفرتيتي

– مفيش فراعنة مفيش لا لقب ولا وظيفة ولا اسم فرعون؛ لأن أجدادنا مسابوش حاجة إلا وسجلوها على الجدران أو ورق البردي
أنا أكيد مش هنافس زاهي حواس ولكن شغفي بالحضارة المصرية القديمة بدأ من 4 سنين وزاد من سنة وبدأت أقرأ أكتر وأبحث
– اكتشفت إني مش أنا الوحيدة في الدنيا أجدع وأشهر وأغنى وأحلى مني اتخانوا الرجالة ساعات بتحب تجرب نفسهم