حمو بيكا لـ عمر كمال: شغال بقالي 7 سنين مجاليش سواك

وجه مؤدي المهرجانات حمو بيكا رسالة لصديقه مطرب المهرجانات عمر كمال،  مطالبًا أياه أن يصطحبه للأسرة السعودية التي أهدت الأخير سيارة بنتلي مؤخرًا؛ تكريمًا له عن إحيائه عديدًا من الحفلات بالرياض.

ونشر عمر كمال مقطع فيديو ساخرًا عبر حسابه الشخصي بموقع انستجرام، ظهر خلاله حمو بيكا، يدخل غرفة كمال بالفندق على عجلة من أمره، ويوقظه من نومه قائلًا: أنا جي مخصوص عشان أعرف دلوقت الناس اللي بتدي البنتلي فين؟ أنا شغال بقالي سبع سنين مجاليش سواك، مفيش هزار وربنا، أنا بتكلم بجد، أنا جاي عشان عندي حفلة بردو وأنا لازم أروح للناس اللي بتدي البنتلي دي دلوقت، إحنا عطلانين في القاهرة وأنت من الشرق للغرب، وديني للناس لو سمحت، مش هأكل ولا هشرب لما توديني للناس دي أنا هشبع، هما قالولك هاتلنا بيكا، وديني دلوقت.

وجدير بالذكر أن قررت هيئة الترفيه بالمملكة العربية السعودية إقامة حفل ثانٍ لكل من حمو بيكا وعمر كمال وحسن شاكوش، على هامش فعاليات موسم الرياض، خاصة بعد الإقبال الشديد ونفاد تذاكر الحفل.