أحمد العوضي يكشف تطورات الحالة الصحية لـ ياسمين عبد العزيز: في الرعاية الآن
كشف الفنان أحمد العوضي تطورات الحالة الصحية لزوجته الفنانة ياسمين عبد العزيز بعدما طالب أمس الجمهور ومحبيها بالدعاء لها.
وقال العوضي في منشور له منذ قليل عبر صفحته الشخصية على موقع “فيس بوك”: يا جماعه بعد اذنكم .. اي تصريح عن الحاله عن طريقي فقط … وانا مقلتش اي تصريح عن حالة ياسمين غير اني طلبت منكم دعواتكم .. وتمنياتكم لها بالشفاء العاجل هي في الرعايه دلوقتي ومحتاجه دعواتكم .. دي كفايه انها تهون عليها.
ونشر العوضي أمس قائلا: ” يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه … انا لاول مره اكتب من غير ما اكون مفكر انا بكتب ايه وهكتب ايه … بس انتي هتقومي ان شاء الله باذن الله عشان انتي وعداني وعد وهتتفذيه”
وأضاف:”انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي”.
وتابع “انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم “..
