أحمد سعد يتشاجر مع شاب في محطة بنزين “تفاصيل”
ظهر الفنان أحمد سعد في صورة داخل محطة بنزين وهو يتشاجر مع شاب في ظل قيام رجلين بتهدئته، والتي نشرتها إحدى رواد موقع التواصل الإجتماعي فيسبوك.
وعن تفاصيل الواقعة، بحسب قول الفتاة “النهارده كنت في بنزينة إمارات مصر جنب داون تاون وشوفت شاب صغير في العشرينات كان معدي من ورا عربية BMW x5/6 بيضة والعربية كانت بترجع بسرعة وكانت هاتخبط الولد، فا الولد كرد فعل طبيعي قاله “خلي بالك وانت راجع يا حبيبي”.
وتابعت الفتاة: “اتضح إن اللي كان راكب العربية الفنان البلطجي أحمد سعد راح عليه وقاله “بتكلم مين كده يلا؟” فا الولد رد عليه قاله “يلا؟ بكلمك انت” وطبعاً الكلام ماجاش على هوا ولا على كرامة احمد سعد اللي ضرب الولد بالقلم قدام أمه وأخته والناس كلها في البنزينة ووقعه عالأرض قدام عربيتي بالظبط وقطعله تيشرته، وكرد فعل طبيعي مني أنا وأختي حاولنا نوقفه بالكلام فا رد علينا بشتايم قذرة جداً وابتسملنا ومشي بالعربية”.
ونهت شاهدة العيان حديثها على الواقعة، كلام منشورها، قائلة: “الموقف ده بينلي قد إيه إحنا بندي قيمة لأشخاص ماتستاهلش وبنسيبهم يعيشوا وسطينا عادي جداً”.
