أول رد من أمير كرارة على مها أحمد “صورة”
علق الفنان أمير كرارة، على الجدل المثار حول ماقالته الفنانة مها أحمد بعد أن تعرضت لخذلان على يده حين طالبته بفرصة شغل.
وكتب كرارة: “مها أختي ومجدي أخويا وأنا والله ولا زعلان ولا أي حاجة عشان فعلا الموقف دا محصلش.. وبردو مش زعلان منها دي حبيبتي ومجدي حبيبي وأخونا”.
وجاء ذلك على المنشور الذي كتبه الفنان أحمد التهامي وتحدث فيه عن أزمة كل من كرارة ومها أحمد على حسابه الشخصي بـ”فيس بوك”.
وروت الفنانة مها أحمد تفاصيل تعرضها للخذلان على يد الفنان أمير كرارة، وذلك خلال اجتماعها به على هامش إحدى المناسبات، ومطالبته بالمشاركة معه في أحد الأعمال، وذلك أثناء فترة جلوسها بالمنزل بعد نقصان وزنها.
وتابعت في بث مباشر على حسابها الشخصي بـ”فيس بوك”: “قابلت زميل تاني.. كنت بشتغل في شركة وكنت بعمل برنامج وهو كمان كان بيعمل برنامج قبل ما يتشهر.. ويشوفني يقولي يا أستاذة ونوع من الرقي.. وقولت يابت مافيش مشكلة في نوع من العشم.. دخلت وقولتله مبروك إيه بقى مش هنشتغل مع بعض.. راح باصصلي كده وقايلي الدور بينادي صاحبه طبعًا أنا استغربت للرد.. كان ممكن يقولي ربنا يسهل أو حاجة”.
واستكملت: “بناءً على اللي حصل جالي اكتئاب وعيطت كتير جدًا.. أنا تعبت وأخدت أدوية ومازلت باخد الأدوية لحد دلوقت.. شئ طبيعي لما ألاقي فيها حاجة بها رد اعتبار ليا.. هتكلم وأكتب على صفحتي.. وأنا كتبت بصراحة شديدة.. ولا بشمت في حد ولا عايزة.. ولو عايزة أشمت هشمت في نفسي أني أحسن من ناس كتير وقاعدة في البيت.. ربنا كارمني أن أعمالي بتتعرض على الشاشة.. ولسة في حكايات كتير مع زملاء كتير هحكيها”.
