وزير الري ردًا على إثيوبيا: “هاتوا باقي حصتنا”
رد الدكتور محمد عبدالعاطي، وزير الموارد المائية والري، على التصريحات الإثيوبية التي تقول إن مصر تستحوذ على نصيب الأسد من مياه النيل، قائلا: “لأ.. ده إحنا بقى نقولهم عاوزين بقيت حصتنا»، موضحًا أن هناك 900 مليار متر معكب مياه أمطار على حوض النيل فقط، كما أن بحيرة تانا بها 55 مليار متر معكب، وهناك أراضي زراعات حول تلك البحيرة: «ما تقلش الزراعات عن 2 أو 3 مليون فدان، مين بيحاسب إثيوبيا عليهم؟”.
وأضاف “عبدالعاطي”، خلال حواره في برنامج «من القاهرة»، مع الإعلامي عمرو عبدالحميد، أن “إثيوبيا تدعي أن حصتها “زيرو” طب بأمارة إيه؟، فيه 10 مليارات متر مكعب بسد تزيكي، إثيوبيا تقوم بالاستفادة منها، فيه كمان سد جديد في إثيوبيا يخزن 74 مليار متر مكعب مياه، ده من حوض النيل فقط، غير الأحواض التانية، يعني تستفاد من حوض النيل فقط 150 مليار متر مكعب مياه”.
وتابع: “فيه أحواض تانية زي مياه نهر أومو، وحوض الأواش، وحوض جوبا واشبلي على الصومال، عنده أحواض كثيرة جدًا، وعندهم مياه جوفية اللي هي في الأساس مياه أمطار، حوالي 40 مليار متر مكعب، لو هيتقارن بينا إحنا بناخد فقط 55.5 مليار متر مكعب مياه، إحنا اللي نقولهم عاوز بقيت حصتي، ده بحيرة واحدة فقط على أعالي النيل مثل بحيرة فيكتوريا فيها 3050 مليار متر مكعب مياه، وبحيرة كيوجا فيها 8 مليارات متر مكعب”.
وواصل: “بحيرة البرت فيها 122 مليار، لما أقول حصة الأسد ده انت اللي عندك حصة الأسد وأنا عاوز نصيبي من الحصة دي وأنا ما أخدتش نصيبي”.
