تطورات الحالة الصحية لـ إيناس الدغيدي بعد إصابتها بكورونا

أكدت المخرجة إيناس الدغيدى تحسن حالتها الصحية بعد إصابتها بكورونا، قائلة: “حالتى الصحية في تحسن وأنا عازلة نفسى بمنزلى ولم أذهب إلى أي مستشفيات وباخد البروتوكول كما أقرته وزارة الصحة، ويارب كل الناس المصابة بالفيروس حالتها تتحسن ويقوموا بالسلامة”.

وأضاف “أنا عملت تحليل الدم وطلعت نتيجة كويسة بأن في تحسن في حالتى الصحية الحمد لله، لكن الفيروس لسه موجود، والسخونية راحت وبقيت باكل كويس عن الأول، والمفروض هابقى أعمل المسحة بعد مرور بعد 5 أيام”.

وذكرت إيناس الدغيدى، أخدت الدواء والبروتوكول وبتعالج حاليا بقالى 7 أيام باخد البروتوكول مع الدكتور، بعد ما عملت كل تحاليل الدم وأشعة الصدر، وتم تأكيد أن فيه كورونا.

وتابعت،”للأسف هو ألم دمه تقيل مش خفيف زى ما فى ناس بتقول، والموضوع كبير، وشعورك أنك متتحركش من السرير صعب جدا وأحيانا درجة حرارتى بتكون عالية ومليش نفس أكل فى أغلب الوقت، وأنا عملت تحليل دم النهاردة وهانشوف نتيجته بكرة عشان نعرف حصل تطور مع البروتوكول اللى باخده ولا لا”.

ولفت الانتباه إلى أن أن السبب فى انتشار العدوى بينهم إلى عدم مراعاتهم فى تطبيق الإجراءات الاحترازية الفترة الأخيرة مؤكدة، بنشيل الكمامة ونحضن بعض وقاعدين قريبين من بعض فلازم نعترف أن فى قصور مننا، وكمان إحنا لم نكن نتخيلى أن القصة بالشراسة اللى موجودة حاليا.