أول تعليق من حارس مرمي طلائع الجيش على قميص تكريم والدته المتوفية : “حضن الشناوي رفع معنوياتي”
تداول عدد من المغردين صورا لحارس نادى طلائع الجيش، معربين عن تعاطفهم معه بعد أن كان يعتزم إهداء بطولة كأس مصر لوالدته المتوفية.
وقال محمد بسام حارس مرمى طلائع الجيش ومنتخب مصر، في تصريحات إعلامية،”الحمد لله على الاداء، شكراً على اللاعبين، لم نقصر ولكن توفيق ربنا لم يحالفنا، بإذن الله تكون بداية موفقة لوجود الطلائع فى التنافس على البطولات”.
وتابع محمد بسام :”منذ وصول الطلائع للنهائى خططت لتكريم والدتى بارتداء قميص يحمل صورتها ولكن بعد الخسارة ظننت أن الخطة فشلت فجلست على دكة البدلاء حزين أنتظر الحصول على ميدالية المركز الثانى حتى أعود لغرفة الملابس وفجأة وبدون ترتيب منى التقطته عدسات الكاميرات ووجدت ردود أفعال هائلة لم أتخيلها، مصر كلها بتدعى لأمى، جمهور الأهلى والزمالك بيدعوا لأمى وشوفت تفاعل رهيب مع الصورة، هون عليا الخسارة، لان الناس عرفت اد ايه امى كانت ست صالحة وقريبة من ربنا اللى خلانى سبب أن الناس تدعيلها”.
وأضاف:” أمى حاجة كبيرة بالنسبالنا، مازلت أعيش صدمة فراقها وأتمنى تكون فخورة بيا أنا وأخويا دلوقتى وربنا يجمعنا بيها فى الجنة، فى كل لحظة اتمنى تكون موجودة معايا كانت واثقة فى إمكانياتى وتعبت عشانى كانت بتصحى من 6 الصبح عشان تاخدنى النادى اتمرن وشجعتنى كتير وكان نفسها تشوفنى لاعب كبير فعمرى ما انساها فى اللحظة دى، كان لازم اعرف الناس انها السبب فى وجودى فى المكان ده “.
واستطرد محمد بسام :” شكراً لكل واحد دعى لأمى، احنا معندناش تعصب بدليل الناس شافت اللقطة وتفاعلت معاها سواء أهلاوية أو زملكاوية، جمهور الزمالك كان سباق يدعى لوالدتى مع اننا كنا سبب من ايام فى خروج فريقهم من كأس مصر، المصريين فيهم حتة كويسة مستحيل تنتهى”.
واختتم:”الشناوى جالى بعد الماتش وقالى انا قولت للاعيبة الاهلى عايزين نخلص بدرى ياولاد اللذينة عشان بسام عندهم بيصد ركلات ترجيح، انا طبعا كنت متأثر انا كابتن فرقة وعايز أشيل أول بطولة فى تاريخ النادى وكمان أحداث المباراة اننا نتعادل فى الوقت الضايع والفرصة تجلنا مرتين فى ركلات الترجيح كنت حاسس انها قربت اوى ف غصب عنى بكيت بعد الخسارة ولكن كلام الشناوى أثر فيا”.
